पूर्ण चौलागाईँ।
तातोपानी गाउँपालिकाले सब्बै वडामै सार्वजुनिक सुनुवाई कार्याक्रम गर्या छ। पालिका अध्यक्ष नन्द प्रसाद चौलागाईको अगुवाईमै सब्बै वडामै सार्वजुनिक सुनुवाई कार्याक्रम गरीया छियो। यो वर्ह भरी पालिकाले क्या क्या काम गर्यो त्यैखो बार्यामै सब्बै माण्ठन जूनेस गराउन्या हेतुले त्यै कार्याक्रम गर्या कुडा पालिका अध्यक्ष चौलागाईले भून्या छुन्।
वडा वडा मै पुगिकन जुन्ता गुनासा सुन्या र अक्को आउन्या वर्ह विकास गन्न सजिलो हुन्या भया कारन सार्वजुनिक सुनुवाई कार्याक्रम गरीया कुडा तातोपानी पालीकाई उपाध्यक्ष रेवती रावलको भुनाई छ।
कर्मचारीले जुन्तान दुःख नदिइकन सुमयमै सेवा दिन्या गर्या पछि जुन्ता पनि खुसी हुन्या र कर्मचारिन पनि काम गन्न सजिलो हुन्या भया कुडा तातोपानी पालिका हाकिम तीर्थ बहादुर कठायतले भून्या छुन्। तातोपानी गाउँपालिकामै ८ वडा रया छुन्।
तातोपानी गाउँपालिकाले सब्बै वडामै सार्वजुनिक सुनुवाई कार्याक्रम गरी नौलो कामको सुरु गर्या छ।
