पूर्ण चौलागाईँ।
तातोपानी र तिला गाउँपालिका स्तरीय खुला फूटबल प्रतियोगिताको उपाधी डाँगीबाडा यूवाक्लवले उचालेको छ। आज भएको फाइनल खेलमा टपस्टार युवाक्लब गिडिखोलालाई हराउँदै डाँगीबाडा यूवाक्लवले उपाधी उचालेको हो।
निर्धारित समयमा दुवै क्लबले गोल गर्न नसकेपछि खेल पेनाल्टी सुटआउटमा गएको हो। सो खेलमा ४ गोलका विरुद्ध ५ गोल गरी डाँगीबाडा यूवाक्लव प्रथम भएको एच वान युवा क्लबका अध्यक्ष निराजन न्यापानेले बताए।
टपस्टार युवाक्लबले उपविजेतामै चित्त बुझाएको छ।
प्रथमले ३५ हजार नगद , ट्रफी र मेडल प्राप्त गरेका छन् भने दोर्साे हुनेलाई २५ हजार नगद र मेडल प्राप्त गरेको छ।
शुभ दिपावलीको पावन अवसरमा सञ्चालन गरिएको सो प्रतियोगितामा १९ क्लब सहभागी थिए।
