पूर्ण चौलागाईँ।
तातोपानी र तिला गाउँपालिका स्तरीय खुला फूटबल प्रतियोगिताको फाइनलमा टपस्टार र डाँगीबाडा यूवाक्लव प्रबेश गरेका छन्। आज भएको सेमिफाइनल खेलमा भेरिखोला युवाक्लब सर्मिलाई शून्यका विरुद्ध ५ गोल गर्दै टपस्टार युवाक्लब गिदिखोला विजय भएको हो। टपस्टारका खेलाडी भैरव महतले ४ गोल गरेका हुन्।
त्यस्तै श्रीनगर ( A) लाई डाँगीबाडा यूवाक्लवले पराजित गर्दै फाइनलमा प्रवेश गरेको हो। निर्धारित समयमा दुवै क्लबले गोल गर्न नसकेपछि खेल ट्राईबेकारमा गएको थियो। ४ गोलको बिरूद्ध ५ गोल गर्दै डाँगीबाडाले जितेको हो।
भोलि बिहान १० बजे टपस्टार र डाँगीबाडा विच फाइनल खेल हुने भएको ए च. वन. युवा क्लबका अध्यक्ष निराजन न्याैपानेले बताए।
प्रतियोगितामा १९ क्लबले भाग लिएका थिए। खेल हाकुँ चौरमा संचालन भैरहेको छ।
