पूर्ण चौलागाईं जुम्ला।
जुम्लाकाे कनकासुन्दरी गाउँपालिका वडा नम्बर ८ स्थित पाण्डवगुफा माद्यामिक विद्यालयमा धार्मिक तथा शैक्षिक ज्ञान विज्ञान महाेत्सव हुने भएकाे छ। नेपाली भाषा र सभ्यताको उद्गम थलाे सिंजामा असाेज २८ देखि कार्तिक ५ गतेसम्म धार्मिक तथा शैक्षिक ज्ञान विज्ञान महाेत्सव हुने भएकाे हाे।
आज जुम्ला खलंगामा पत्रकार सम्मेलन मार्फत आयाेजकले धार्मिक तथा शैक्षिक ज्ञान विज्ञान महाेत्सव बारे औपचारिक जानकारी गराएकाे छ। महाेत्सवमा मृदृभाषी नरेश भागवताेपासकजी महाराज प्रमुख वाचककाे रुपमा पुग्ने आयाेजकले जनाएको छ।
धार्मिक तथा शैक्षिक ज्ञान विज्ञान महाेत्सवले पाण्डवगुफा माद्यामिक विद्यालयकाे सर्वाङ्गीण विकामा टेवा पुर्याउने लक्ष्य लिइएको आयाेजकले जनाएको छ। विद्यालयकाे भाैतिक, शैक्षिक लगायत सर्वाङ्गीण विकासका लागि धार्मिक महाेत्सव आयाेजना गर्न लागिएको हाे। विद्यालयमा प्राविधक धारका कार्यक्रमहरु सञ्चालनका लागि सो धार्मिक महाेत्सवकाे आयोजना गरिएको जनाइएको छ।
