आगामी २४ घण्टा देशका विभिन्न स्थानमा बदलीदेखि वर्षासम्मको सम्भावना जल तथा मौसम पूर्वानुमान महाशाखाले औंल्याएको छ । महाशाखाका अनुसार हाल मनसुनको न्यून चापीय रेखा पश्चिमतिर सरदर स्थान भन्दा उत्तर तिर र पूर्वतिर सरदर स्थानमा अवस्थित रहेको छ।
शनिबार बिहान प्रदेश १ तथा सुदूरपश्चिम प्रदेशका केही स्थान र बाँकी प्रदेशका एक दुई स्थानमा मेघ गर्जनसहित हल्का देखि मध्यम वर्षा भइरहेको छ। बाँकी स्थानमा सामान्यतः बदली रहेको छ ।
यस्तै दिउँसो देशभर आंशिक देखि सामान्य बदली रहनेछ। यस्तै बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका केही स्थानहरुमा र बाँकी प्रदेशका थोरै स्थानहरूमा मेघ गर्जनसहित हल्का देखि मध्यम वर्षाको सम्भावना रहेको छ। गण्डकी, लुम्बिनी र सुदूरपश्चिम प्रदेशका एक वा दुई स्थानमा मेघ गर्जनसहित भारी वर्षाको समेत सम्भावना रहेको छ।
यस्तै राति देशभर आंशिकदेखि सामान्य बदली रही बागमती प्रदेश,गण्डकी प्रदेश र लुम्बिनी प्रदेशका थोरै स्थानहरूमा तथा बाँकी प्रदेशका एक दुई स्थानमा हल्का देखि मध्यम वर्षाको सम्भावना रहेको छ। गण्डकी प्रदेशको एक दुई स्थानमा भारी वर्षाको सम्भावना पनि रहेको छ।
