पूर्ण चौलागाईँ जुम्ला।
नेपाल कम्युनिष्ट पार्टी (नेकपाका) महासचिव नेत्रविक्रिम चन्द ‘विप्लव’ स्याउ रोप्न जुम्ला पुगेका छन्। दोर्सो पटक जुम्ला पुगेर स्याउका विरुवा रोप्न जुम्ला पुगेका हुन्। हिमा गाउँपालिका ७ धाँचु गाउँको धौलापानीमा उहाँले स्याउका विरुवा रोप्नु भएको हो । गत साल पनि विप्लबले हिमा ७ कै हाडुलेमा १ हजार स्याउका विरुवा रोप्नु भएको थियो ।
आर्थिक क्रान्तिबाट स्वाधिन राष्ट्र निर्माणका लागि जुम्लामा स्याउका विरुवा रोपिएको उहाँको भनाइ छ । ३ वर्ष भित्र पार्टीलाई आत्मनिर्भर बनाउने लक्ष्य अनुसार डेढ वर्षमै खान बस्नसम्मका लागि पार्टी आत्मनिर्भर भइ सकेको उहाँले बताए। उहाँले भन्नुभयो, आर्थिक क्रान्ति नभएसम्म देशको अर्थतन्त्र बलियो हुँदैन् । कृषि क्रान्तिबाटै देशलाई नयाँ उचाईमा पुर्याउन सकिने विप्लवको भनाइ छ ।
हिमा ७ धाँचु गाउँका स्वर्गी विष्णु वहादुर शाहीकी छोरी कृष्णकौरा शाहीको १५ हजार वर्गमिटर जग्गा २० वर्षका लागि भाडामा लिएर नेकपाले स्याउ रोपेको छ । स्याउले उत्पादन दिन थालेपछि २५ प्रतिशत आम्दानी फिर्ता हुने गरी नेकपाले जग्गा भाडामा लिएर स्याउका विरुवा रोपेको हो । गत वर्ष हाडुलेमा रोपेका १ हजार मध्ये ८० वटा बाँहेक अरु स्याउका विरुवा पलाएको नेकपाका जुम्लाका इन्चार्ज बिर्खबहादुर शाहीले बताए। यो पटक पनि १ हजार स्याउका विरुवा रोपिने उहाँको भनाइ छ । महासचिव विप्लवले स्याउ रोपेर उद्घाटन गरेको हुनाले नेकपाका कार्यकर्ताले १ हजार स्याउका विरुवा रोप्ने उहाँको भनाइ छ । धाँचु गाउँबासीलाई कृषि क्षेत्रमा आत्मनिर्भर बनाउन जुम्लामा स्याउ बगैंचा स्थापना गर्न थालिएको शाहीले बताए।
नेपाल दलितमुक्ति मोर्चा कर्णाली प्रदेशका कोषाध्यक्ष मंगला विकले १ सय स्याउका विरुवा निःशुल्क दिनु भएको छ । आर्थिक क्रान्तिका लागि सुरु भएको अभियानलाई सहयोग गर्न उहाँले स्याउका विरुवा दिनु भएको हो । महासचिव चन्दसँगै स्थायी समिति सदस्य सन्तोष बुढामगर, महासचिव विप्लवकी पत्नीसहितको टिम जुम्ला पुगेको छ ।
हाम्रो कर्णाली । ११ फाल्गुन २०८१, आईतवार १८:००