अर्जुन महतारा।
जुम्लाको पातारासी गाउँपालिकामा जल कचहरी कार्यक्रम गरिएको छ। पातारासी क्षेत्रमा रहेका जलस्रोतको संरक्षण गर्ने उद्देश्यले गत वर्षदेखि सो कार्यक्रम गरिदै आएको हो।
पालिका भित्र रहेका ४ सय ९५ वटा पानीका स्रोत मध्ये ३ सय ६५ वटा पानीका स्रोत संचालनमा रहेका छन् । उक्त पानीका स्रोत संरक्षणका लागि वातावरण ऐन ल्याईएको अध्यक्ष पूर्णसिंह बोहोराले बताए।
मानविय गतिविधिले पानीका मुहान सुक्न थालेको भन्दै वन फडानी र डोजर आतंकलाई रोक्ने र यस अभियानलाई सार्थक रूप दिन सामुदायिक वन उपभोक्ता समितीको सहयोग रहेको उपाध्यक्ष जनमाया रोकायालेले बताइन्।
जल,जंगल र जमिनको धनी पातारासीमा पानीका मुहान संरक्षण गर्न जल कचहरी कार्यक्रम सान्दर्भिक रहेको र यस्ता कार्यक्रमलाई निरन्तरता दिनु जरुरी रहेको कार्यक्रमका प्रमुख अतिथी नेपाल पत्रकार महासंघका अध्यक्ष पूर्ण प्रसाद चौलागाईले बताए।पानीका मुहान संरक्षण देखि खानेपानी, सरसफाई र स्वच्छताका विषयमा पालिकालाई नीति निर्माणमा सहयोग गर्नको लागि जल कचहरी गरिएको किर्डाक नेपाल जुम्लाका कार्यक्रम अधिकृत श्रीवहादुर भण्डारीको भनाई छ।
सुमात्राकोे तथ्यांक अनुसार ७ वटा वडा भएको पातारासी गाउँपालिकमा पानीका स्रोत ४ सय ९५ वटा छन् । जस मध्ये १ सय २९ वटा मात्रै प्रयोगमा छन् । तर, ३ सय ६५ वटा मुहान प्रयोगमा नभएको किर्डाक नेपालकी विनु चित्रकारले बताइन ।
हाम्रो कर्णाली । १४ पुष २०८१, आईतवार २१:३८