पूर्ण चौलागाईँ।
यूवालाई शसक्तिकरण गर्ने उद्देश्यले जुम्लामा नमुना यूवा गाउँ सभा अभ्यास तालिम संचालन गरिएको छ।
स्थानीयतहकाे नीति निर्माणमा अर्थपूर्ण सहभागिता गर्न र क्षामता विकासका लागि सो तालीम सञ्चालन गरिएको हो। प्लान नेपालकाे आर्थिक सहयाेग र क्याड नेपालकाे आयाेजनामा सिंजा क्षेत्रका तीन पालिकाका यूवाहरुकाे सहभागितामा पहिलाे पटक नमुना यूवा गाउँसभा अभ्यास कार्यक्रम सम्पन्न भएकाे हो ।
तीनदिन सम्म संचालन नमुना गाउँसभा अभ्यास कार्यक्रममा यूवालाई पालिका स्तरमा नीति निर्माण,याेजना निर्माण,विकास निर्माण,लगायतका क्षेत्रमा अर्थपूर्ण सहभागिता कसरी गर्ने र नमुना गाउँसभा कसरी संचालन गर्ने विषयमा प्रशिक्षण दिईएकाे छ ।
कार्यक्रमकाे समापनमा जिल्ला समन्वय समितिका कार्यबाहक प्रमुख नर वीर सुनारले प्लान नेपालकाे सहयाेगमा क्याड नेपालले यूवा शसक्तिकरण,सामाजिक कुरिति अन्त्यका लागि उल्लेखिय काम गरिरहेकाे बताए ।
पत्रकार महासंघ शाखा जुम्लाका अध्यक्ष पूर्ण प्रसाद चाैलागाँईले यूवाकाे सशसक्तिकरण,सामाजिक विकृतीकाे न्युनिकरणका लागि प्लान नेपाल र क्याडले गरेकाे काम प्रशसनिय रहेकाे बताए ।
क्याड नेपालका परियाेजना संयाेजक प्रेमसिंह ठकुरीले सिंजा क्षेत्रका तीन पालिकाका यूवाहरुकाे क्षामता विकास र स्थानीयतहकाे हरेक नीतिगत क्षेत्रमा अर्थपूर्ण सहभागिता गराउने विषयमा सचेत बनाईएकाे उल्लेख गरे ।
नमुना यूवा गाउँसभा अभ्यास कार्यक्रममा सिंजा क्षेत्रका हिमा,सिंजा र कनकासुन्दरी गाउँपालिकाका ३० जना यूवाको सहभागीता रहेको थियो ।
