पूर्ण चौलागाईँ जुम्ला। मंसिर १५
प्रेस चौतारी जुम्लाको अध्यक्षमा मानदत्त रावल चयन भएका छन्। प्रेस चौतारी नेपाल जुम्लाको प्रथम साधारण सभाले रावललाई चयन गरेको हो। २ वर्षे कार्यकालको लागी रावललाई चयन गरिएको प्रेस चौतारीका निवर्तमान अध्यक्ष नौरते नेपालीले बताए।
प्रेस चौतारीलाई अब्बल र थप मजबूत बनाएर लैजाने नव चयन रावलले बताए । अध्यक्ष नेपालीले अगुवाई गरेको ३२ सदस्सीय कार्यसमितिमा अध्यक्ष बाहेक अन्य पदाधिकारीहरु यथावत नै रहेका छन्। उपाध्क्षमा हरिकृष्ण महत र सपना रावत, सचिव अमरनाथ योगि, कोषाअध्यक्ष यनिसा हमाल लगायतको कार्यसमिति यथावत रहेको छ।
हाम्रो कर्णाली । १५ मंसिर २०८०, शुक्रबार १५:३१